കൊച്ചി: നടന് ടിനി ടോം സിനിമാ മേഖലയിലെ ലഹരി ഉപയോഗത്തെക്കുറിച്ച് നടത്തിയ വെളിപ്പെടുത്തലുകളില് അദ്ദേഹത്തിന്റെ മൊഴിയെടുക്കാന് എക്സൈസ് വകുപ്പ് തയ്യാറാകാത്തത് എന്തുകൊണ്ടെന്ന് ഫെഫ്ക ജനറല് സെക്രട്ടറി കൂടിയായ സംവിധായകന് ബി ഉണ്ണികൃഷ്ണന്. സംവിധായകന് നജീം കോയയുടെ ഹോട്ടല് മുറിയില് റെയ്ഡ് നടത്തിയ എക്സൈസ് ഉദ്യോഗസ്ഥരുടെ നടപടിയില് ക്രിമിനല് ഗൂഢാലോചന ആരോപിച്ച് നടത്തിയ വാര്ത്താസമ്മേളനത്തില് സംസാരിക്കുകയായിരുന്നു ബി ഉണ്ണികൃഷ്ണന്.
ഗുരുതര വെളിപ്പെടുത്തലാണ് നടത്തിയത് ടിനി ടോം നടത്തിയത്. അദ്ദേഹം എക്സൈസ് വകുപ്പിന്റെ ബ്രാന്ഡ് അംബാസിഡര് ആണ് എന്നിട്ട് എന്തുകൊണ്ട് ചോദ്യം ചെയ്തില്ലെന്ന് ബി ഉണ്ണികൃഷ്ണന് ചോദിച്ചു. ഈ ഏജന്സി ഇതുവരെ ടിനി ടോമിനെ വിളിപ്പിച്ചോ ? നജീം കോയയെ പരിശോധിക്കാന് തിരുവനന്തപുരത്തുനിന്ന് ഈരാറ്റുപേട്ട വരെ വരാന് ഉത്സാഹം കാണിച്ച ഉദ്യോഗസ്ഥര് എന്തുകൊണ്ട് ടിനി ടോമിന്റെ മൊഴി ഇതുവരെ എടുത്തില്ല? ഒരു നടന്റെ പല്ല് പൊടിഞ്ഞു എന്നാണ് പറയുന്നത്. ടിനി ടോം എക്സൈസ് വകുപ്പിന്റെ ബ്രാന്ഡ് അംബാസിഡര് ആയി വര്ക്ക് ചെയ്യുന്നുണ്ടെങ്കില് ഈ വിഷയം ആദ്യം ചോദിക്കേണ്ടത് ആരാണെന്നും ബി ഉണ്ണികൃഷ്ണന് ചോദിച്ചു.
