മേപ്പാടി: തേയിലത്തോട്ടത്തിലെ പൊട്ടക്കിണറ്റില് വീണ കാട്ടുപന്നിയെ ഷൂട്ടറുടെ സഹായത്തോടെ വെടിവെച്ചു കൊന്നു. അരപ്പറ്റ ആനവളവിലെ ജനവാസമേഖലയില് എത്തിയ കാട്ടുപന്നിയാണ് കിണറ്റില് വീണത്.സര്ക്കാര് ഉത്തരവ് പ്രകാരം ഗ്രാമപഞ്ചായത്ത് പ്രസിഡന്റില് നിക്ഷിപ്തമായ അധികാരമുപയോഗിച്ച് പുറപ്പെടുവിച്ച ഉത്തരവനുസരിച്ചാണ് നടപടി. സ്റ്റീഫന് ജേക്കബ് എന്ന അംഗീകൃത ഷൂട്ടറുടെ സേവനം ഉപയോഗപ്പെടുത്തിയാണ് പൊട്ടക്കിണറ്റില് വീണ കാട്ടുപന്നിയെ വെടിവെച്ച് കൊന്നത്. മേപ്പാടി ഫോറസ്റ്റ് ഡെപ്യൂട്ടി റേഞ്ച് ഓഫീസര് വി.ആര്. ഷാജി നടപടികള്ക്ക് നേതൃത്വം നല്കി.
