കല്ലടിക്കോട്: മലയടിവാര പ്രദേശങ്ങളില് കാട്ടാന ഇറങ്ങി വീടും കൃഷിയിടങ്ങളും നശിപ്പിച്ചു. കരിമ്പ ഗ്രാമപഞ്ചായത്തിലെ കല്ലടിക്കോട് ചുങ്കത്തിന് സമീപം കുന്നത്തുകാട്, മേലെ പയ്യാനി എന്നിവിടങ്ങളിലെ ജനവാസ മേഖലയിലാണ് കാട്ടാന ഇറങ്ങിയത്.കുന്നത്തുകാട് വിശ്വനാഥന്റെ വീട് കാട്ടാന ആക്രമണത്തില് ഭാഗികമായി തകര്ന്നു. പരിസരങ്ങളിലെ കൃഷിയിടങ്ങളിലെ വിളയും നശിപ്പിച്ചു.ഒരിടവേളക്ക് ശേഷം കാട്ടാന ദേശീയപാതക്ക് സമീപം വരെ എത്തിയത് ജനങ്ങളെ ഭീതിയിലാഴ്ത്തി.
