കോഴിക്കോട്: തദ്ദേശ തെരഞ്ഞെടുപ്പില് മത്സരിക്കാന് സീറ്റ് വാങ്ങി നല്കിയില്ലെങ്കില് നേതാവിന്റെ രഹസ്യബന്ധം പുറത്ത് വിടുമെന്ന് ഭീഷണി. കോഴിക്കോട്ടെ പ്രമുഖ കോണ്ഗ്രസ് നേതാവിനെതിരെയാണ് വനിതാ നേതാവ് ഓഡിയോ സന്ദേശം അയച്ചത്. ജില്ലയിലെ പ്രമുഖ നേതാവിന് അയച്ച ഓഡിയോ ക്ലിപ്പ് ഇപ്പോള് കോണ്ഗ്രസ് പ്രവര്ത്തകരുടെ വാട്സാപ്പ് ഗ്രുപ്പുകളില് വ്യാപകമായി പ്രചരിക്കുകയാണ്.
സീറ്റിന് വേണ്ടി എ-ഐ ഗ്രൂപ്പുകള് ചേരി തിരിഞ്ഞ് പിടിവലിയിലാണ്. ഇതിനിടെയാണ് പ്രമുഖ നേതാവിന് ഭീഷണി സന്ദേശം എത്തിയത്. ഇദ്ദേഹം ഐ ഗ്രൂപ്പില്പെട്ടയാളാണെന്നാണ് സൂചന. ഇതേത്തുടര്ന്ന് തെരഞ്ഞെടുപ്പ് കമ്മറ്റിയില് നിന്ന് ആരോപണ വിധേയനായ നേതാവ് രാജിവെക്കുകയാണെന്ന് അറിയിച്ചിട്ടുണ്ട്.
സീറ്റ് കിട്ടാത്തതിന്റെ പ്രതിഷേധം കാരണമാണ് വനിതാ നേതാവിന്റെ പ്രതികരണം. സംഭവത്തില് അവര് ഖേദം അറിയിച്ചതായും ആരോപണവവിധേയനായ നേതാവ് പറഞ്ഞു. തര്ക്കങ്ങളിലും ഭീഷണികളിലും പെട്ട് കോണ്ഗ്രസിന് സ്ഥാനാര്ത്ഥി നിര്ണ്ണയം കീറാമുട്ടിയായിരിക്കുകയാണ്. അതിനിടയിലാണ് പുതിയ തലവേദനയായി ഓഡിയോ ക്ലിപ്പ് പുറത്തായത്. അതേസമയം കോഴിക്കോട് എല്ഡിഎഫ് സ്ഥാനാര്ത്ഥി നിര്ണ്ണയം ഏറെക്കുറെ പൂര്ത്തിയാക്കിക്കഴിഞ്ഞു.
