ദില്ലി: ഒരു സ്ത്രീയുടെ തലയോട്ടി ഉള്പ്പെടെ വികൃതമാക്കിയ ശരീരഭാഗങ്ങള് പ്ലാസ്റ്റിക് ബാഗില് പൊതിഞ്ഞ നിലിയില് മെട്രോ നിര്മ്മാണ പരിസരത്തുനിന്നും കണ്ടെത്തി. തെക്ക് കിഴക്കന് ദില്ലിയിലെ സരായ് കാലേ ഖാനിലെ മെട്രോ നിര്മ്മാണ സ്ഥലത്തിന് സമീപത്തുനിന്നാണ് മൃതദേഹം കണ്ടെത്തിയത്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു. സംഭവസ്ഥലത്ത് എത്തിയപ്പോള് ജീര്ണിച്ച വിവിധ ഘട്ടങ്ങളിലുള്ള മനുഷ്യ ശരീരഭാഗങ്ങള് പ്ലാസ്റ്റിക് ബാഗില് കണ്ടെത്തിയതായി ഡല്ഹി പോലീസിലെ മുതിര്ന്ന ഉദ്യോഗസ്ഥന് പറഞ്ഞു. ശനിയാഴ്ച ഉച്ചയോടെയാണ് ബാഗില് യുവതിയുടെ ശരീരാവശിഷ്ടങ്ങള് കണ്ടെത്തിയതായി പോലീസിന് വിവരം ലഭിച്ചത്.
മെട്രോ നിര്മ്മാണ സ്ഥലത്തിന്റെ മേല്പ്പാലത്തോട് ചേര്ന്നുള്ള സരായ് കാലെ ഖാന് സമീപമായിരുന്നു ശരീരഭാഗങ്ങള് കണ്ടെത്തിയത്. കണ്ടെത്തിയ അവശിഷ്ടങ്ങള് തുടര്നടപടികള്ക്കായി എയിംസ് ട്രോമ ആശുപത്രിയിലേക്ക് മാറ്റി. കണ്ടെടുത്ത വികൃതമാക്കിയ മൃതദേഹം ആരുടേതാണെന്ന് കണ്ടെത്താന് അന്വേഷണം നടക്കുകയാണെന്നും പോലീസ് പറഞ്ഞു.
