ലഖ്നൗ: കുട്ടികളെ കൊലപ്പെടുത്തി കനാലിലെറിഞ്ഞ യുവതിയും കാമുകനും അറസ്റ്റില്. കാമുകന്റെ സഹായത്തോടെ സ്വന്തം കുട്ടികളെയാണ് യുവതി കൊലപ്പെടുത്തി കനാലിലെറിഞ്ഞത്. ഉത്തര്പ്രദേശിലെ മീററ്റിലാണ് സംഭവം. പ്രാദേശിക കൗണ്സിലറായ കാമുകന്റെ സഹായത്തോടെയാണ് യുവതി തന്റെ 10 വയസ്സുള്ള മകനെയും ആറുവയസ്സുള്ള മകളെയും കൊലപ്പെടുത്തിയത്. കുട്ടികളെ കൊലപ്പെടുത്തിയ ശേഷം മൃതദേഹം കനാലിലേക്ക് വലിച്ചെറിയുകയായിരുന്നു.
കുട്ടികളുടെ മൃതദേഹങ്ങള് ഇനിയും കണ്ടെത്താനായിട്ടില്ല. യുവതിയുടെ അയല്വാസികളും കേസില് ഉള്പ്പെട്ടിട്ടുണ്ടെന്ന് പോലീസ് പറഞ്ഞു. ആറുപേരെയാണ് ഇതുവരെ പോലീസ് അറസ്റ്റ് ചെയ്തത്. മാര്ച്ച് 22ന് രണ്ട് കുട്ടികളെയും കൊലപ്പെടുത്തി അമ്മയും കാമുകനും മൃതദേഹം കനാലിലേക്ക് എറിയുകയായിരുന്നു. അവരുടെ അയല്വാസികളുടെയും സഹായം ലഭിച്ചു. കുട്ടികളെ കാണാതായപ്പോള് കേസ് രജിസ്റ്റര് ചെയ്ത് നടത്തിയ അന്വേഷണത്തിലാണ് സംഭവം പുറത്തറിഞ്ഞത്.
