വനിതാ ശിശു വികസന വകുപ്പ് ഉജ്ജ്വലബാല്യം പുരസ്കാരത്തിന് അപേക്ഷ ക്ഷണിച്ചു. കല, കായികം, സാഹിത്യം, ശാസ്ത്രം, സാമൂഹികം, പരിസ്ഥിതി സംരക്ഷണം, ഐടി മേഖല, കൃഷി, മാലിന്യസംസ്കരണം, ജീവകാരുണ്യ പ്രവര്ത്തനം, ക്രാഫ്റ്റ്, ശില്പനിര്മാണം, അസാമാന്യ ധൈര്യത്തിലൂടെ നടത്തിയ പ്രവര്ത്തനം തുടങ്ങിയ മേഖലയില് മികവാര്ന്ന കഴിവ് തെളിയിച്ച ആറിനും 18 നും ഇടയില് പ്രായമുള്ള കുട്ടികള്ക്കാണ് (ഭിന്നശേഷിക്കാര് ഉള്പ്പെടെ ) അവസരം.
6-11 വയസ്, 12-18 വയസ് എന്നീ വിഭാഗങ്ങളില് തിരിച്ചാണ് പുരസ്കാരം നല്കുന്നത്. 2024 ജനുവരി ഒന്നു മുതല് 2024 ഡിസംബര് 31 വരെയുള്ള കാലയളവിലെ പ്രാഗത്ഭ്യമാണ് പരിഗണിക്കുന്നത്. അവസാന തീയതി ഓഗസ്റ്റ് 30. ജില്ലാ ചൈല്ഡ് പ്രൊട്ടക്ഷന് യൂണിറ്റ് , മൂന്നാം നില, മിനി സിവില് സ്റ്റേഷന്, കച്ചേരിപ്പടി , ആറന്മുള 689533 വിലാസത്തില് നിന്നും അപേക്ഷ ലഭിക്കും. ഫോണ് :0468 2319998.
