പത്തനംതിട്ട : ജോയിന്റ് കൗൺസിൽ പത്തനംതിട്ട ജില്ലാ വനിതാ കമ്മിറ്റിയുടെ നേതൃത്വത്തിൽ ആചരിച്ച അന്താരാഷ്ട്ര വനിതാദിനം കേരള മഹിളാ സംഘം പത്തനംതിട്ട ജില്ലാ പ്രസിഡന്റ് പത്മിനിയമ്മ ഉത്ഘാടനം ചെയ്തു. സ്ത്രീകൾ തങ്ങളുടെ കഴിവുകൾ തിരിച്ചറിഞ്ഞ് എല്ലാ മേഖലകളിലും മുന്നോട്ടുവരണമെന്നും സമൂഹത്തിൽ നിലനിൽക്കുന്ന അന്ധവിശ്വാസങ്ങളെയും അനാചാരങ്ങളെയും തകർത്ത് പുതിയൊരു തലമുറയെ വാർത്തെടുക്കാൻ സാധിക്കണമെന്നും അവര് പറഞ്ഞു.
ജോയിന്റ് കൗൺസിൽ പത്തനംതിട്ട ജില്ല വനിത കമ്മിറ്റി പ്രസിഡന്റ് നിത്യ എസ് അധ്യക്ഷത വഹിച്ചു. സംസ്ഥാന വനിതാ കമ്മിറ്റി അംഗം എസ്സ്.സിനി വനിതാദിന പ്രതിജ്ഞ ചൊല്ലി കൊടുത്തു. സംസ്ഥാന വൈസ് ചെയർമാൻ ആർ രമേശ്, പത്തനംതിട്ട ജില്ല പ്രസിഡന്റ് അനീഷ് കുമാർ സി, സംസ്ഥാന കൗൺസിൽ അംഗം മഞ്ജു എബ്രഹാം, ജില്ലാ വനിതാ കമ്മറ്റി അംഗം സുജ ശീതൾ, സെക്രട്ടറി അമ്പിളി എസ്. ജെ എന്നിവർ സംസാരിച്ചു.
