പത്തനംതിട്ട : പട്ടികവര്ഗ മേഖലയിലെ സ്ത്രീകളുടെ പ്രശ്നങ്ങള് മനസിലാക്കുന്നതിന് വനിതാ കമ്മിഷന് സംഘടിപ്പിക്കുന്ന പത്തനംതിട്ട ജില്ലയിലെ പട്ടികവര്ഗ മേഖല ക്യാമ്പ് ഫെബ്രുവരി അഞ്ചിന് അരുവാപ്പുലം പഞ്ചായത്തിലെ കാട്ടാത്തി ഗിരിജന് കോളനിയിലും ആറിന് നാറാണംമൂഴി പഞ്ചായത്തിലെ അടിച്ചിപ്പുഴ കോളനി കമ്മ്യൂണിറ്റി ഹാളിലുമായി നടക്കും. ഫെബ്രുവരി അഞ്ചിന് രാവിലെ 8.30ന് അരുവാപ്പുലം പഞ്ചായത്തിലെ കാട്ടാത്തി ഗിരിജന് കോളനി വനിതാ കമ്മിഷന് സന്ദര്ശിക്കും. രാവിലെ 11ന് കാട്ടാത്തി ഗിരിജന് കോളനി വനവികസന സമിതി കെട്ടിടത്തില് ചേരുന്ന ഏകോപന യോഗം വനിതാ കമ്മിഷന് അധ്യക്ഷ അഡ്വ. പി. സതീദേവി ഉദ്ഘാടനം ചെയ്യും.
അരുവാപ്പുലം ഗ്രാമപഞ്ചായത്ത് പ്രസിഡന്റ് രേഷ്മ മറിയം റോയ് അധ്യക്ഷത വഹിക്കും. വനിതാ കമ്മിഷന് അംഗങ്ങളായ അഡ്വ. എലിസബത്ത് മാമ്മന് മത്തായി, അഡ്വ. ഇന്ദിര രവീന്ദ്രന്, വി.ആര്. മഹിളാമണി, അഡ്വ. പി. കുഞ്ഞായിഷ, മെമ്പര് സെക്രട്ടറി സോണിയ വാഷിംഗ്ടണ്, ഡയറക്ടര് ഷാജി സുഗുണന്, പ്രോജക്ട് ഓഫീസര് എന്. ദിവ്യ, ജില്ലാ വനിതാ ശിശുക്ഷേമ ഓഫീസര് യു. അബ്ദുള് ബാരി, പട്ടികവര്ഗ വികസന ഓഫീസര് എസ്.എസ്. സുധീര്, ഗ്രാമപഞ്ചായത്ത് സെക്രട്ടറി വി.എന്. അനില് എന്നിവര് സംസാരിക്കും. റിസര്ച്ച് ഓഫീസര് എ.ആര്. അര്ച്ചന ചര്ച്ച നയിക്കും. ഫെബ്രുവരി ആറിന് രാവിലെ 10.30ന് നാറാണംമൂഴി ഗ്രാമപഞ്ചായത്തിലെ അടിച്ചിപ്പുഴ കോളനി കമ്മ്യൂണിറ്റി ഹാളില് നടക്കുന്ന ശില്പ്പശാല വനിതാ കമ്മിഷന് അധ്യക്ഷ അഡ്വ. പി. സതീദേവി ഉദ്ഘാടനം ചെയ്യും.
വനിതാ കമ്മിഷന് അംഗം അഡ്വ. ഇന്ദിര രവീന്ദ്രന് അധ്യക്ഷത വഹിക്കും. നാറാണംമൂഴി ഗ്രാമപഞ്ചായത്ത് പ്രസിഡന്റ് സോണിയ മനോജ് വിശിഷ്ടാതിഥിയാകും.
വനിതാ കമ്മിഷന് അംഗങ്ങളായ അഡ്വ. എലിസബത്ത് മാമ്മന് മത്തായി, വി.ആര്. മഹിളാണി, അഡ്വ. പി. കുഞ്ഞായിഷ, മെമ്പര് സെക്രട്ടറി സോണിയ വാഷിംഗ്ടണ്, ഡയറക്ടര് ഷാജി സുഗുണന്, പ്രോജക്ട് ഓഫീസര് എന്. ദിവ്യ, റിസര്ച്ച് ഓഫീസര് എ.ആര്. അര്ച്ചന എന്നിവര് സംസാരിക്കും. പട്ടികവര്ഗ മേഖലയില് സര്ക്കാര് നടത്തുന്ന പദ്ധതികള് എന്ന വിഷയം ട്രൈബല് എക്സ്റ്റന്ഷന് ഓഫീസര് എ. നിസാറും, ലഹരിയുടെ വിപത്ത് എന്ന വിഷയം എക്സൈസ് പ്രിവന്റീവ് ഓഫീസര് എസ്. അനില്കുമാറും അവതരിപ്പിക്കും.
