തിരുവനന്തപുരം: വിവാദങ്ങള്ക്കും പ്രതിഷേധങ്ങള്ക്കും ഇടയില് എ ഐ ക്യാമറകള് പ്രവര്ത്തനം തുടങ്ങി. ഹെല്മറ്റും സീറ്റ് ബല്റ്റും അമിതവേഗവും ഉള്പ്പടെ ഏഴ് നിയമലംഘനങ്ങളാണ് പ്രധാനമായും പരിശോധിക്കുന്നത്. അതേസമയം പ്രായത്തില് സംശയം തോന്നിയാല് കുട്ടികളുമായുള്ള ഇരുചക്രവാഹന യാത്രയില് എ.ഐ. ക്യാമറ വഴി പിഴയീടാക്കില്ലെന്ന് ഗതാഗത മന്ത്രി വ്യക്തമാക്കി.
12 വയസിന് മുകളില് പ്രായമുണ്ടെന്ന് ആവര്ത്തിച്ച് പരിശോധിച്ച് ഉറപ്പാക്കും. എഐ ക്യാമറ പദ്ധതി വഴി അപകടങ്ങള് കാര്യമായി കുറയുമെന്നും മന്ത്രി ആന്റണി രാജു വ്യകത്മാക്കി. ഇരുചക്ര വാഹനത്തില് യാത്ര ചെയ്യുമ്പോഴും നാലു വയസ്സിന് മുകളിലുള്ള കുട്ടിയാണെങ്കില് ഹെല്മറ്റ് നിര്ബന്ധമാണ്.
