പത്തനംതിട്ട : ഓണത്തിന് പത്തനംതിട്ട നഗരത്തില് എത്തിയവര്ക്ക് അബാന് ജംഗ്ഷനില് റോഡ് അടച്ചതിനാല് എട്ടിന്റെ പണി കിട്ടി. ഇപ്പോള് ഇതാ വളരെയധികം തിരക്ക് അനുഭവപ്പെടുന്ന ക്രിസ്മസ് – ന്യു ഇയര് കാലത്തും പത്തനംതിട്ട നഗരത്തില് എത്തുന്നവര്ക്ക് ദുരിതം സമ്മാനിക്കുവാന് വീണ്ടും റോഡ് അടക്കുന്നു. അബാന് മേല്പ്പാലം പണി ആരംഭിച്ചതുമുതല് നഗരത്തിലെത്തുന്നവര് ദുരിതം അനുഭവിക്കുകയാണ്. കടക്കെണിയിലായ വ്യാപാരികള് പലരും കച്ചവടം നിര്ത്തി. അബാന് മേല്പ്പാലം എന്നത് പത്തനംതിട്ടക്കാര് ആഗ്രഹിച്ചതല്ല. ആറന്മുള എം.എല്.എ വീണാ ജോര്ജ്ജിന്റെ നിര്ബന്ധ ബുദ്ധിയില് തെളിഞ്ഞതാണ് ഈ പഞ്ചവടിപ്പാലം.
അബാൻ ജംഗ്ഷനിൽ തിരുവല്ല – കുമ്പഴ റോഡിനു കുറുകെയുള്ള മേൽ പാലത്തിന്റെ deck- slab പ്രവർത്തികൾ ക്രമികരിക്കുന്നതിനായി അബാൻ ജംഗ്ഷനിൽ തിരുവല്ല – കുമ്പഴ റോഡിൽ അബാൻ ജംഗ്ഷൻ ഭാഗത്ത് ഡിസംബര് 18 മുതൽ ഗതാഗതം താത്കാലികമായി നിരോധിച്ചിരിക്കുകയാണ്. തിരുവല്ല – കുമ്പഴ റോഡുവഴി കുമ്പഴ ഭാഗത്തേക്ക് പോകേണ്ട ചെറിയ വാഹനങ്ങൾ അബാൻ ജംഗ്ഷനിൽ ക്രമീകരിക്കപ്പെട്ടിട്ടുള്ള താത്കാലിക ഡൈവേർഷൻ റോഡു വഴിയും വലിയ വാഹനങ്ങൾ മിനി സിവിൽ സ്റ്റേഷൻ ജംഗ്ഷനിൽ നിന്നും എസ് പി ഓഫീസ് മൈലപ്ര വഴിയും തിരിഞ്ഞു പോകേണ്ടതാണ്. തിരുവല്ല – കുമ്പഴ റോഡിലൂടെ പത്തനംതിട്ട ടൗൺ ഭാഗത്തേക്ക് പോകുന്ന വാഹനങ്ങൾ കണ്ണങ്കര ജംഗ്ഷനിൽ നിന്നും തിരിഞ്ഞു റിങ് റോഡിൽ കല്ലറക്കടവിൽ ജംഗ്ഷനിൽ എത്തി തിരിഞ്ഞു പോകേണ്ടതാണെന്നും കേരളാ റോഡ് ഫണ്ട് ബോര്ഡ് കോട്ടയം, പത്തനംതിട്ട ഡിവിഷന് എക്സിക്യൂട്ടിവ് എഞ്ചിനീയർ അറിയിച്ചു.
