വാഷിംഗ്ടണ്‍ ഡിസി : ലോകത്ത് കോവിഡ് ബാധിതരുടെ എണ്ണം 2.64 കോടിയും പിന്നിട്ടു. ഇതുവരെ 26,465,315 പേര്‍ക്കാണ് കോവിഡ് 19 സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 2.82 ലക്ഷം പുതിയ കേസുകളാണ് റിപ്പോര്‍ട്ട് ചെയ്തത്. ലോകത്ത് ആകെ മരണസംഖ്യ 873,167 ആയി.
ഇതുവരെ 18,660,122 പേരാണ് രോഗമുക്തി നേടിയത്. അമേരിക്കയിലാണ് ഏറ്റവും കൂടുതല്‍ കോവിഡ് ബാധിതരുണ്ടായത്. രാജ്യത്ത് ആകെ രോഗം ബാധിച്ചത് 6,335,244 പേര്‍ക്കാണ്. 191,058 പേരാണ് ഇതുവരെ മരിച്ചത്.
രണ്ടാംസ്ഥാനത്തുള്ള ബ്രസീലിലും കോവിഡ് രൂക്ഷമായി തുടരുകയാണ്. 4,046,150 പേര്‍ക്കാണ് രാജ്യത്ത് കോവിഡ് ബാധിച്ചത്. 124,729 പേരാണ് ഇവിടെ രോഗം ബാധിച്ച്‌ മരിച്ചത്. ഇന്ത്യയില്‍ 3,933,124 പേര്‍ക്ക് കോവിഡ് സ്ഥിരീകരിച്ചിട്ടുണ്ട്. 68,569 കോവിഡ് മരണവും റിപ്പോര്‍ട്ട് ചെയ്തു.
