റാന്നി: ബി.ആർ.സിയുടെ ആഭിമുഖ്യത്തിൽ ലോക ഭിന്നശേഷി ദിനാചരണം നടത്തി.ആട്ടവും പാട്ടുമായി കുട്ടികൾ ആഹ്ലാദിച്ചു. പരിപാടിയുടെ ഭാഗമായി ബിഗ് ക്യാൻവാസിൽ ആശംസ കുറിയ്ക്കൽ, വിവിധ സ്കൂളുകളിൽ നിന്നും തിരഞ്ഞെടുത്ത ഭിന്നശേഷി സൗഹൃദ ചിത്രങ്ങളുടെയും പോസ്റ്ററുകളുടെയും പ്രദർശനം, കുട്ടികളുടെയും രക്ഷിതാക്കളുടെയും സ്പെഷ്യൽ എഡ്യൂക്കേറ്റർമാരുടെയും കലാപരിപാടികളും നടന്നു. സംഗമം റാന്നി എംഎൽഎ അഡ്വ. പ്രമോദ് നാരായൺ ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫീസർ റോസമ്മ രാജൻ അധ്യക്ഷത വഹിച്ചു. പ്രശസ്ത പിന്നണി ഗായകൻ സുമേഷ് അയിരൂർ വിശിഷ്ടതിഥിയായി.റാന്നി വികസനകാര്യ സ്ഥിരം സമിതി അധ്യക്ഷൻ സച്ചിൻ വയല കുട്ടികൾക്ക് സമ്മാനങ്ങൾ വിതരണം ചെയ്തു.
റാന്നി ജില്ലാ പഞ്ചായത്ത് ഡിവിഷൻ മെമ്പർ ജെസ്സി അലക്സ്, റാന്നി പഞ്ചായത്ത് പ്രസിഡന്റ് പ്രകാശ് കുഴിക്കാല, ബ്ലോക്ക് മെമ്പർ എം.എസ് സുജ, ബെന്നി പുത്തൻപറമ്പിൽ, ആലിച്ചൻ ആറൊന്നിൽ, ബിപിസി ഷാജി എ. സലാം, പഴവങ്ങാടി ഗവൺമെന്റ് യുപി സ്കൂൾ പ്രഥമധ്യാപകന് ഷാജി തോമസ്, പൊന്നി, ഹിമമോൾ സേവ്യയർ, മേരിക്കുട്ടി എസ്. കുര്യൻ,ബീനാമ കോശി,എന് ഭദ്രാ ശങ്കർ, റജീനാ ബീഗം, എന്നിവർ പ്രസംഗിച്ചു.
