ദില്ലി: ഗുസ്തി ഫെഡറേഷന് ഓഫ് ഇന്ത്യ (ഡബ്ല്യുഎഫ്ഐ) പ്രസിഡന്റ് ബ്രിജ് ഭൂഷണ് ശരണ് സിങ്ങിനെതിരായ ലൈംഗികാരോപണങ്ങളില് നിരപരാധിത്വം തെളിയിക്കാന് നുണപരിശോധനയ്ക്ക് വിധേയനാകാന് സാക്ഷി മാലിക് വെല്ലുവിളിച്ചു. ഗുസ്തി ഫെഡറേഷനായി നല്കുന്ന പണം താരങ്ങളിലേക്ക് എത്തുന്നുണ്ടോ എന്ന് രത്തന് ടാറ്റ പരിശോധിക്കണമെന്നും വിനേശ് ഫോഗട്ട് ആവശ്യപ്പെട്ടു. ഈ മാസം 21 വരെ രാപ്പകല് സമരം തുടരുമെന്ന് സമരം ചെയ്യുന്ന ഗുസ്തിതാരങ്ങള് അറിയിച്ചു. 21 ന് യോഗം ചേര്ന്ന് സമരത്തിന്റെ ഭാവി തീരുമാനിക്കും.
ഇന്ത്യന് ഒളിമ്പിക് അസോസിയേഷന്റെ (ഐഒഎ) അഡ്ഹോക്ക് പാനലിന് കീഴില് എല്ലാ മത്സരങ്ങളും നടക്കണമെന്നാണ് തങ്ങള് ആഗ്രഹിക്കുന്നതെന്നും ബ്രിജ് ഭൂഷണ് തങ്ങളുടെ സംഘടനയില് ഉള്പ്പെട്ടിട്ടുണ്ടെങ്കില് മത്സരങ്ങള് നടത്തുന്നതിനെ എതിര്ക്കുമെന്നും പ്രതിഷേധ ഗുസ്തി താരങ്ങള് പറഞ്ഞു.
