ബാംഗ്ലൂര് : കര്ണാടക മന്ത്രിസഭയില് നേതൃമാറ്റം സംബന്ധിച്ച ചര്ച്ചകള് തുടരുന്നതിനിടെ മുഖ്യമന്ത്രി ബി.എസ് യദ്യൂരപ്പ ഡല്ഹിയിലെത്തി. അദ്ദേഹം പ്രധാനമന്ത്രി നരേന്ദ്ര മോദി, അമിത് ഷാ എന്നിവരുമായി കൂടിക്കാഴ്ച നടത്തുമെന്നാണ് റിപ്പോര്ട്ട്. പ്രത്യേക വിമാനത്തിലാണ് യദ്യൂരപ്പയും മകന് വിജയേന്ദ്രയും ഡല്ഹിയിലെത്തിയിരിക്കുന്നത്.
യദ്യൂരപ്പയുടെ സന്ദര്ശനത്തില് അസ്വാഭാവികമായി ഒന്നുമില്ലെന്ന് റവന്യൂ മന്ത്രി എ.അശോക് പ്രതികരിച്ചു. കര്ണാകത്തില് നേതൃമാറ്റത്തേക്കുറിച്ച് ആലോചനയില്ല. മുഖ്യമന്ത്രിയായി യദ്യൂരപ്പ തന്നെ തുടരും. പ്രധാനമന്ത്രി, ആഭ്യന്തര മന്ത്രി, പാര്ട്ടി പ്രസിഡന്റ്, ജലസേചന വകുപ്പ് മന്ത്രി എന്നിവരുമായി കൂടിക്കാഴ്ച നടത്തുന്നതിനാണ് അദ്ദേഹം ഡല്ഹിയിലെത്തുന്നത്. കാവേരി നദീ പ്രശ്നമാണ് പ്രധാനമായും ചര്ച്ച ചെയ്യുന്നതെന്നും അദ്ദേഹം വ്യക്തമാക്കി.
