റാന്നി : പൊതുവിദ്യാഭ്യാസ വകുപ്പ്, കെ-ഡിസ്ക്, സമഗ്ര ശിക്ഷാ കേരളം റാന്നി ബി.ആർ.സി എന്നിവയുടെ സംയുക്ത ആഭിമുഖ്യത്തിൽ യങ് ഇന്നവേറ്റേഴ്സ് പ്രോഗ്രാം(വൈ.ഐ.പി)ശാസ്ത്രപഥം ഐഡിയേറ്റർമാർക്കുള്ള ദ്വിദിന സഹവാസ ശില്പശാല “നവീനം” തുടങ്ങി. റാന്നി വളയനാട് ഓഡിറ്റോറിയത്തിൽ എസ്.എസ്.കെ പത്തനംതിട്ട ജില്ലാ പ്രോഗ്രാം ഓഫീസർ എ. കെ പ്രകാശ് നവീനം ഉദ്ഘാടനം ചെയ്തു. വെസ്റ്റ് വെർജീനിയ യൂണിവേഴ്സിറ്റി(യു. എസ്.എ )യിലെ റിസർച്ച് സ്കോളർ രേഷ്മ അന്ന തോമസ് മുഖ്യ പ്രഭാഷണം നടത്തി.
ബി.പി.സി ഷാജി എ സലാം, ശാസ്ത്രപഥം സംസ്ഥാന റിസോഴ്സ് പേഴ്സൺ എഫ്. അജിനി, അടൂർ ബി.എഡ് കോളേജ് ലക്ചറർ ആർ യമുന, ക്യാമ്പ് ഡയറക്ടർ സൈജു സക്കറിയ എന്നിവർ സംസാരിച്ചു. ഗവേഷണ താല്പര്യങ്ങൾ കുട്ടികളിൽ ഉണ്ടാക്കുക, വിമർശനാത്മകത, സർഗാത്മകത, സംഘക കഴിവുകൾ, പ്രശ്നപരിഹാര മാർഗങ്ങൾ എന്നീ അനിവാര്യ ജീവിത നൈപുണികൾ കുട്ടികളിൽ ഉണ്ടാക്കുക എന്നീ ഉദ്ദേശങ്ങളോടുകൂടിയാണ് ശാസ്ത്രപഥം നവീനം സഹവാസ ശില്പശാല നടത്തുന്നത്.
സാമൂഹിക പ്രശ്നങ്ങൾ തങ്ങൾ പഠിച്ച ക്ലാസ് റൂം വിഷയങ്ങളെ അടിസ്ഥാനത്തിൽ പരിഹരിക്കാൻ ശ്രമിക്കുക എന്ന പ്രവർത്തനത്തിലൂടെയാണ് വൈ.ഐ.പി – ശാസ്ത്രപഥം പരിപാടി നടക്കുന്നത്. റാന്നി ഉപജില്ലയിലെ ഹൈസ്കൂൾ, ഹയർ സെക്കൻഡറി വിദ്യാലയങ്ങളിലെ കുട്ടികൾ ആശയങ്ങൾ രജിസ്റ്റർ ചെയ്തിരുന്നു. മികച്ച ആശയങ്ങൾ രജിസ്റ്റർ ചെയ്ത 10 ഗ്രൂപ്പുകൾക്കാണ് നവീനം ശില്പശാലയിൽ അധിക പരിശീലനങ്ങൾ നൽകുന്നത്. കെ-ഡിസ്ക് ആണ് സംസ്ഥാനതലത്തിൽ മികച്ച ആശയങ്ങൾ തെരഞ്ഞെടുത്ത് നൽകിയത്. സി.ആർ.സി കോ- ഓർഡിനേറ്റർ സൈജു സക്കറിയ, ശാസ്ത്രരംഗം ഉപജില്ല കോ-ഓർഡിനേറ്റർ എഫ്. അജിനി ബി.പി.സി ഷാജി എ സലാം എന്നിവർ ക്യാമ്പിന് നേതൃത്വം നൽകുന്നു.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
