കൊച്ചി : അന്താരാഷ്ട്ര യോഗദിനത്തോടനുബന്ധിച്ച്, മത്സ്യമേഖലയുമായി ബന്ധപ്പെട്ട് തൊഴിലെടുക്കുന്നവർക്ക് കേന്ദ്ര സമുദ്രമത്സ്യ ഗവേഷണ സ്ഥാപനത്തിന്റെ (സിഎംഎഫ്ആർഐ) നേതൃത്വത്തിൽ ബോധവൽകരണവും യോഗപരിശീലനവും നൽകി. കൊച്ചിൻ ഫിഷറീസ് ഹാർബറിൽ പ്രവർത്തിക്കുന്നവർക്കാണ് ഫോർട്ട് കൊച്ചി കമ്യൂണിറ്റി ഹാളിൽ പരിശീലനം നൽകിയത്. കെ.വിജയകുമാർ, കെ.സ്മിത എന്നിവർ യോഗപരിശീലനത്തിന് നേതൃത്വം നൽകി. സിഎംഎഫ്ആർഐ പ്രിൻസിപ്പൽ സയന്റിസ്റ്റ് ഡോ.ടി.എം നജ്മുദ്ധീൻ, എം.മജീദ് എന്നിവർ പ്രസംഗിച്ചു. ജീവനക്കാർക്ക് വേണ്ടി സിഎംഎഫ്ആർഐയിൽ സംഘടിപ്പിച്ച യോഗപരിശീലനത്തിന് ലളിത വേണുഗോപാൽ, കെ.വിജയകുമാർ എന്നിവർ നേതൃത്വം നൽകി.
മത്സ്യത്തൊഴിലാളികൾക്ക് സിഎംഎഫ്ആർഐയുടെ നേതൃത്വത്തിൽ യോഗപരിശീലനം
RECENT NEWS
Advertisment