ആലുവ : യുവതി ട്രെയിനു മുന്നില് ചാടി ആത്മഹത്യ ചെയ്തതില് മനംനൊന്ത് കാമുകനും പുഴയില് ചാടി ആത്മഹത്യ ചെയ്തു. ആലുവ കുഴിവേലിപ്പടി പുത്തന് വീട്ടില് മഞ്ജു(42)വാണ് ആലുവ ഗ്യാരേജിന് സമീപം വ്യാഴാഴ്ച വൈകീട്ട് ട്രെയിനിനു മുന്നില് ചാടിയത്. തുടര്ന്ന് ഇവിടെ നിന്ന് ഓട്ടോയില് ആലുവ മാര്ത്താണ്ഡ വര്മ്മ പാലത്തിനടുത്തെത്തി കാമുകനായ എടത്തല താഴത്തേടത്ത് വീട്ടില് ശ്രീകാന്ത് (39) പുഴയിലേക്ക് ചാടി ആത്മഹത്യ ചെയ്തു. ഇയാളുടെ മൃതദേഹം ഇന്ന് രാവിലെയാണ് കണ്ടെടുത്തത്.
ആലുവ നൊച്ചിമയിലെ ഒരു ഫാക്ടറി ജീവനക്കാരിയാണ് ഭര്ത്താവും രണ്ടു മക്കളുമുള്ള മഞ്ജു. മൂന്നു മാസം മുമ്പ് ഡ്രൈവറായ ശ്രീകാന്ത് മഞ്ജുവിന്റെ വീടിനടുത്ത് വാടകക്ക് താമസിക്കാനെത്തിയിരുന്നു. ഇതിനിടെ ഇരുവരും പ്രണയത്തിലാകുകയായിരുന്നു. കഴിഞ്ഞ ദിവസം ഇത് മഞ്ജുവിന്റെ വീട്ടുകാര് അറിഞ്ഞിരുന്നു. ഇതേ തുടര്ന്നാണ് യുവതി യുവാവിനെ ആലുവയിലേക്ക് വിളിച്ചു വരുത്തിയത്. സംസാരിക്കുന്നതിനിടെ യുവതി റെയില്വേ പാളത്തിലേക്ക് ഓടുകയായിരുന്നു. ഇരുവരുടേയും മൃതദേഹം ആലുവ ജില്ലാ ആശുപത്രിയില് ഇന്ക്വസ്റ്റ് നടത്തി. മൃതദേഹം ബന്ധുക്കള്ക്ക് വിട്ടു കൊടുക്കും.
