കാസര്‍കോട് : വാക്കുതര്‍ക്കത്തെ തുടര്‍ന്ന് കാസര്‍കോട് ജ്യേഷ്ഠന്‍ അനുജനെ കുത്തികൊലപ്പെടുത്തി. അബ്ദുള്ള മുസ്ലിയാരുടെ മകന്‍ നിസാര്‍ (35) ആണ് മരിച്ചത്. ശനിയാഴ്ച ഉച്ചയോടെയായിരുന്നു സംഭവം. നിസാറിന്റെ ജ്യേഷ്ഠന്‍ റഫീഖിനെ സംഭവുമായി ബന്ധപ്പെട്ട് ബദിയടുക്ക പോലീസ് കസ്റ്റഡിയിലെടുത്തു. കുമ്പള സീതാംഗോളിമുഗുവില്‍ ആണ് സംഭവം. പോലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി. മൃതദേഹം പോസ്റ്റ്മോര്‍ട്ടത്തിനായി ആശുപത്രിയിലേക്ക് മാറ്റി.
