ചാരുംമൂട് : എസ്.ഐ യെയും സി.പി.ഒ യെയും കൈയേറ്റം ചെയ്ത സംഭവത്തില് സഹോദരങ്ങള് പോലീസ് പിടിയില്. കോട്ടയം പായിപ്പാട് കോതപ്പാറ വീട്ടില് ഷാന്മോന് (27), സഹോദരന് സജിന് റജീബ് (24) എന്നിവരെയാണ് പോലീസ് പിടികൂടിയത്. നൂറനാട് പോലീസ് ആണ് പ്രതികളെ അറസ്റ്റ് ചെയ്ത്. ഫര്ണിച്ചര് ഇന്സ്റ്റാള്മെന്റ് നടത്തുന്നതാണ് പ്രതികളുടെ തൊഴില്. പണം വാങ്ങിയിട്ടും സാധനങ്ങള് നല്കാതെ കബളിപ്പിച്ചെന്ന് ചുനക്കര സ്വദേശി അബ്ദുല് റഹ്മാന് പ്രതികള്ക്കെതിരെ പരാതി നല്കിയിരുന്നു. ഇതിനെ തുടര്ന്ന് ഇരുവരെയും ബുധനാഴ്ച ഉച്ചക്ക് ഒന്നിന് സ്റ്റേഷനില് വിളിപ്പിച്ചിരുന്നു. സബ് ഇന്സ്പെക്ടറുടെ മുറിയില് പരാതി സംബന്ധിച്ച് ഇരുകക്ഷിയുമായി സംസാരിക്കുന്നതിനിടെയാണ് പ്രതികള് കൈയേറ്റത്തിന് ശ്രമിച്ചതെന്ന് പോലീസ് പറഞ്ഞു. തടയാന് ശ്രമിച്ച സി.പി.ഒ യെയും ഇവര് കൈയേറ്റം ചെയ്തെന്നും പോലീസ് വ്യക്തമാക്കി. മാവേലിക്കര കോടതിയില് ഹാജരാക്കിയ ഇവരെ റിമാന്ഡ് ചെയ്തു.
