നേമം : കല്ലിയൂര്, ഊക്കോട് എന്നിവിടങ്ങളിലെ വീടുകളില് അതിക്രമിച്ച് കയറി സ്ത്രീകളെ ദേഹോപദ്രവം ഏല്പിക്കുകയും വീട്ടില് നാശനഷ്ടങ്ങള് വരുത്തുകയും ചെയ്ത കേസിലെ പ്രതിയെ പോലീസ് പിടികൂടി. പുന്നയ്ക്കാമുഗള് ആറാമട ഹരി നിവാസില് അനന്തുവിനെയാണ് (23) നേമം പോലീസ് അറസ്റ്റ് ചെയ്തത്. മാര്ച്ച് 3, 4 തീയതികളിലാണ് ആക്രമണം നടന്നത്. ഊക്കോട് സ്വദേശി ഷാനുവിന്റെ വീട്ടില് അതിക്രമിച്ച് കയറി മാതാവ് ഷാരയെ ആക്രമിക്കുകയും വീട്ടില് നാശനഷ്ടങ്ങള് വരുത്തുകയും ഷാനുവിന്റെ അമ്മൂമ്മയായ വിലാസിനിയുടെ ഊക്കോടുളള വീട്ടിലും അതിക്രമിച്ച് കയറിയ പ്രതി അനന്തു ആക്രമണം നടത്തുകയായിരുന്നു.
ഷാനുവിനോടുള്ള വ്യക്തിവൈരാഗ്യമാണ് ആക്രമണത്തിന് കാരണം. സംഭവത്തിനുശേഷം ഒളിവില് പോയ പ്രതിയെ നേമം എസ്.ഐമാരായ വിപിന്, ശശികുമാര്, വിജയന്, എ.എസ്.ഐമാരായ പത്മകുമാര്, അജിത് കുമാര്, സി.പി.ഒമാരായ സാജന്, ബിനു എന്നിവരടങ്ങിയ പോലീസ് സംഘമാണ് അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
