പൊള്ളാച്ചി : പ്രായപൂര്ത്തിയാകാത്ത പെണ്കുട്ടിയെ വിവാഹം ചെയ്ത യുവാവിനെ പോലീസ് അറസ്റ്റ് ചെയ്തു. പൊള്ളാച്ചിയിലാണ് സംഭവം. പതിമൂന്നുകാരിയെയാണ് ഇരുപത്തിയൊന്നുകാരന് വിവാഹം ചെയ്തത്. കേസില് പുറവിപാളയത്തില് താമസിക്കുന്ന നിര്മാണത്തൊഴിലാളിയായ കണ്ണനെയാണ് പോലീസ് അറസ്റ്റ് ചെയ്തത്. ഇയാൾക്കെതിരെ പോക്സോ നിയമപ്രകാരമാണ് കേസെടുത്തിരിക്കുന്നത്.
എട്ടാം ക്ലാസ് വിദ്യാര്ത്ഥിനിയും കണ്ണനും പ്രണയത്തിലായിരുന്നു. ഇയാള് പെണ്കുട്ടിയെയും കൂട്ടി ഒളിച്ചോടുകയും, അംബ്രാംപാളയത്തിലെ ഒരു ഗണപതിക്ഷേത്രത്തില്വച്ച് വിവാഹിതരാകുകയുമായിരുന്നു. മകളെ കാണാനില്ലെന്ന് കാണിച്ച് രക്ഷിതാക്കള് പരാതി നല്കിയതോടെ പോലീസ് നടത്തിയ അന്വേഷണത്തിലാണ് ഇവരെ കണ്ടെത്തിയത്.
