കോഴിക്കോട് : സാമൂഹ്യ മാധ്യമത്തിലൂടെ പരിചയപ്പെട്ട പതിനാറ് വയസുകാരിയെ വിവാഹ വാഗ്ദാനം നല്കി പീഡിപ്പിച്ചെന്ന കേസില് യുവാവ് അറസ്റ്റിലായി. ഒളവണ്ണ ചെറോട്ട്കുന്ന് സ്വദേശി കെ.വി സഫ്വാന് (22)ആണ് പിടിയിലായത്. ഇയാളെ കോടതിയില് ഹാജരാക്കി റിമാന്ഡ് ചെയ്തു. ഇന്സ്റ്റഗ്രാം വഴിയാണ് സഫ്വാന് പെണ്കുട്ടിയുമായി സൗഹൃദത്തിലായത്. പെണ്കുട്ടിയെ വീടിന്റെ ടെറസില് വച്ചും ബന്ധുവീട്ടില് വച്ചും പീഡിപ്പിച്ചെന്നാണ് കേസ്. സഫ്വാന് മറ്റൊരു പെണ്കുട്ടിയുമായി അടുപ്പമുണ്ടായിരുന്നന്നെന്നും ഇത് ചോദിച്ചപ്പോള് പെണ്കുട്ടിയെ ഭീഷണിപ്പെടുത്തിയതായും പോലീസ് പറയുന്നു.
പീഡനത്തിന് ഇരയായ പെണ്കുട്ടി ആത്മഹത്യക്കു ശ്രമിച്ചപ്പോഴാണ് വിവരം പുറത്തറിഞ്ഞത്. തുടര്ന്ന് രക്ഷിതാക്കള് പോലീസില് പരാതി നല്കുകയായിരുന്നു. പരാതിയുടെ അടിസ്ഥാനത്തില് പോലീസ് സഫ്വാനെതിരെ പോക്സോ വകുപ്പുകള് ചുമത്തി കേസെടുത്തു. പിന്നാലെ ബേപ്പൂര് ഇന്സ്പെക്ടര് വി.സിജിത്തിന്റെ നേതൃത്വത്തിലുള്ള പോലീസ് സംഘം പ്രതിയെ അറസ്റ്റ് ചെയ്യുകയായിരുന്നു.