പരവൂര് : പൂതക്കുളത്ത് വീട്ടില് അതിക്രമിച്ചുകയറി പെണ്കുട്ടിയെ ഉപദ്രവിക്കാന് ശ്രമിച്ചയാള് അറസ്റ്റില് .ഈഴം വിള ആദിത്യഭവനില് മണിക്കുട്ടനെ(48)യാണ് ഇന്സ്പെക്ടര് എ.നിസാറിന്റെ നേതൃത്വത്തില് പരവൂര് പോലീസ് പിടികൂടിയത്. പെണ്കുട്ടി വീട്ടില് തനിച്ചാണെന്ന് മനസ്സിലാക്കിയ ശേഷമാണ് അതിക്രമത്തിന് മുതിര്ന്നതെന്ന് പോലീസ് പറയുന്നു. ഭീഷണിപ്പെടുത്തിയ ശേഷം ലൈംഗിക ഉദ്ദേശത്തോടെ കടന്നു പിടിക്കുകയായിരുന്നു.
ബഹളമുണ്ടാക്കി കുട്ടി പുറത്തേക്ക് ഓടുകയും പിന്നീട് അമ്മയെത്തിയപ്പോള് ഇക്കാര്യം അറിയിക്കുകയും തുടര്ന്ന് അമ്മയോടൊപ്പം പരവൂര് പോലീസ് സ്റ്റേഷനിലെത്തി പരാതി നല്കുകയായിരുന്നു.പോക്സോ കുറ്റംചുമത്തിയാണ് പ്രതിയെ അറസ്റ്റുചെയ്തത്. എസ്.ഐ. നിതിന് നളന്, രമേശന്, ശോഭ, ജയപ്രകാശ്, ലിജു എന്നിവരടങ്ങുന്ന സംഘമാണ് ഇയാളെ പിടികൂടിയത്.
