കൊല്ലം : ഇന്സ്റ്റഗ്രാം വഴി പരിചയപ്പെട്ട പതിന്നാലുകാരിയെ പീഡിപ്പിച്ച കേസില് യുവാവ് അറസ്റ്റില്. വര്ക്കല ബീച്ചിലെത്തിച്ച് മുക്കുപണ്ടത്തിന്റെ താലി കെട്ടിയായിരുന്നു പീഡനം. കോഴിക്കോട് സ്വദേശി അജിത്താണ് പീഡനക്കേസില് പിടിയിലായത്. രണ്ടര വര്ഷം മുമ്പ് ഇന്സ്റ്റഗ്രാം വഴിയാണ് കൊല്ലം കടയ്ക്കല് സ്വദേശിയായ പെണ്കുട്ടിയെ അജിത്ത് പരിചയപ്പെടുന്നത്.
വിവാഹം കഴിക്കാമെന്ന് വാഗ്ദാനവും നല്കി. കഴിഞ്ഞ വര്ഷം ജനുവരിയില് വര്ക്കല ക്ഷേത്രത്തിന് സമീപമെത്തിച്ചു. മുക്കുപണ്ടം ഉപയോഗിച്ച് താലി കെട്ടി. പിന്നാലെ ലോഡ്ജില് മുറിയെടുത്ത് പീഡിപ്പിക്കുകയായിരുന്നു. വൈകിട്ടോടെ തിരികെ കടയ്ക്കലില് ഇറക്കിവിട്ടശേഷം അജിത്ത് കടന്നുകളഞ്ഞു. കുട്ടിയുടെ സ്വഭാവത്തില് മാറ്റം കണ്ടതിനെ തുടര്ന്ന് സ്കൂള് അധികൃതര് നടത്തിയ കൗണ്സിലിംഗിലാണ് പീഡന വിവരം പുറത്തറിയുന്നത് . ചൈല്ഡ് ലൈന് നല്കിയ പരാതിയില് കടയ്ക്കല് പോലീസ് കേസെടുത്തു. വയനാട്ടില് നിന്നാണ് അജിത്തിനെ അറസ്റ്റ് ചെയ്തത്.
