ചാത്തന്നൂര് : യുവതിയെ ആക്രമിച്ച ശേഷം മോഷണം നടത്തിയ യുവാവ് അറസ്റ്റില്. അയത്തില് കല്ലിനുമേല് വീട്ടില് ജിനേഷ് ബാബു (36) ആണ് പിടിയിലായത്. വീട്ടില് അതിക്രമിച്ചു കയറിയ യുവാവ് ഷാള് യുവതിയുടെ കഴുത്തില് മുറുക്കി ഭീഷണിപ്പെടുത്തിയ ശേഷമായിരുന്നു മോഷണം. നിലവിളി കേട്ടെത്തിയ യുവതിയുടെ അച്ഛന് കൈ തട്ടിമാറ്റി രക്ഷപ്പെടുത്തി.
മുറിയിലെ അലമാരയില് നിന്നും 33000 രൂപയും അപഹരിച്ചാണ് യുവാവ് കടന്ന് കളഞ്ഞത്. ചാത്തന്നൂര് എ.സി.പി ഗോപകുമാറിന്റെ നിര്ദ്ദേശാനുസരണം എസ്.ഐമാരായ ആശ ബി. രേഖ, സലിംകുമാര്, എ.എസ്.ഐ രാജേഷ്, സി.പി.ഒമാരായ മുഹമ്മദ് ഹുസൈന്, അനില്കുമാര്, ബിനു, ജയിനമ്മ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയില് ഹാജരാക്കി റിമാന്ഡ് ചെയ്തു.
