കൊച്ചി : ഫോര്ട്ട്കൊച്ചി ടൂറിസം മേഖലയില് കഞ്ചാവുമായി യുവാവ് അറസ്റ്റില്. സംഭവവുമായി ബന്ധപ്പെട്ട് ഫോര്ട്ട്കൊച്ചി തുരുത്തിയില് താമസിക്കുന്ന ഷിനാസിനെ (34) യാണ് പോലീസ് അറസ്റ്റ് ചെയ്തത്. ഫോര്ട്ട്കൊച്ചി പോലീസ് ഇന്സ്പെക്ടര് വി.എസ് ബിജുവിന്റെ നേതൃത്വത്തില് നടത്തിയ പരിശോധനയില് ആണ് കഞ്ചാവ് പിടിച്ചെടുത്തത്. വാസ്കോഡ ഗാമ സ്ക്വയറില് ഫാന്സി കച്ചവടം നടത്തുകയായിരുന്നു ഇയാള്. അതേസമയം പുതുവത്സരാഘോഷത്തോടനുബന്ധിച്ച് ഫോര്ട്ട്കൊച്ചി ടൂറിസം മേഖലയില് പോലീസ് പരിശോധന ശക്തമാക്കി. എസ്.ഐ സന്തോഷ് മോന്, സിവില് പോലീസ് ഓഫിസര് സമീര് എന്നിവരും പരിശോധക സംഘത്തിലുണ്ടായിരുന്നു. അറസ്റ്റിലായ പ്രതിയെ കോടതിയില് ഹാജരാക്കി.
