മങ്കൊമ്പ് : സിപിഎം നിര്മ്മിച്ചു നല്കുന്ന വീടിന് വേണ്ടി പിരിവുനല്കാന് വിസമ്മതിച്ച യുവാവിനെ പാര്ട്ടി പ്രവര്ത്തകര് വീടുകയറി ആക്രമിച്ചതായി പരാതി. ചമ്പക്കുളം ഗ്രാമപ്പഞ്ചായത്ത് തെക്കേക്കര പനത്തറ വീട്ടില് തോമസുകുട്ടി ആന്റണി(31)യാണ് പുളിങ്കുന്ന് പോലീസില് പരാതി നല്കിയത്. ചമ്പക്കുളത്തു സിപിഎം നിര്മ്മിച്ചുനല്കുന്ന വീടിന്റെ ചെലവിലേക്കാണ് ലോക്കല് കമ്മിറ്റി സെക്രട്ടറി അരുണ്കുമാര് സഹപാഠിയായിരുന്ന യുവാവിനോടു പിരിവ് ആവശ്യപ്പെട്ടത്.
എന്നാല് തുക നല്കാതിരിക്കുകയും ഫോണെടുക്കാതിരിക്കുകയും ചെയ്തതോടെ മറ്റൊരാളുടെ ഫോണില്നിന്നു വിളിച്ച് 5000 രൂപ ആവശ്യപ്പെട്ടു. ഇത്രയും തുക നല്കാനാകില്ലെന്നു പറഞ്ഞതോടെ ഭീഷണിപ്പെടുത്തുകയും വ്യാഴാഴ്ച രാത്രി എട്ടോടെ പതിനേഴോളം പേര് വരുന്ന സിപിഎം സംഘം വീട്ടിലെത്തി യുവാവിനെ ആക്രമിക്കുകയും അസഭ്യം പറയുകയായിരുന്നുവെന്നാണ് പരാതി. പരാതിയുടെ അടിസ്ഥാനത്തില് നാലുപേര്ക്കെതിരെ കേസെടുത്തതായി പുളിങ്കുന്ന് പോലീസ് പറഞ്ഞു.
