കൊല്ലം: ആര്യൻകാവ് റേഞ്ച് ഓഫീസിനു കീഴിൽ കടവൻപാറ ഫോറസ്റ്റ് സ്റ്റേഷനിൽ ഫോറസ്റ്റുകാർ അനധികൃതമായി കസ്റ്റഡിയിൽ എടുത്ത സന്ദീപ് എന്ന യുവാവിന് കസ്റ്റഡിയിൽ ക്രൂര മർദ്ദനം. സന്ദീപിനെ ഇപ്പോൾ പുനലൂർ ഗവണ്മെന്റ് ഹോസ്പിറ്റലിൽ അഡ്മിറ്റ് ചെയ്തിരിക്കുകയാണ്. ഇനിയൊരു പൊന്നു- മത്തായി ഉണ്ടാകാൻ കിഫ അനുവദിക്കില്ലെന്ന് കിഫ പറഞ്ഞു.
ഈ വിഷയത്തിൽ കിഫയുടെ സംസ്ഥാന കമ്മിറ്റി അടിയന്തിര യോഗം ചേർന്ന് വിഷയത്തിൽ ഇടപെടാൻ ലീഗൽ സെൽ ഡയറക്റ്റർ അഡ്വ. ജോണി കെ. ജോർജിൻ്റെ നേതൃത്വത്തിൽ കൊല്ലം, പത്തനംതിട്ട ജില്ലാ കമ്മിറ്റികളെ ചുമതലപ്പെടുത്തി. ഫോറസ്റ്റ് ഗുണ്ടകളുടെ അഴിഞ്ഞാട്ടത്തിൽ ഗുരുതരമായ പരിക്കുകൾ മൂലം ചോര ശർദ്ദിച്ച സമീപവാസി സന്ദീപിനെ സെല്ലിനുള്ളിൽ കെട്ടിയിട്ട നിലയിൽ ആണ് കണ്ടെത്തിയത്.ഈ വിഷയത്തിൽ വനം വകുപ്പ് മന്ത്രി, കൊല്ലം റൂറൽ എസ്പി, തിരുവനന്തപുരം ഐജി എന്നിവരുമായി സംസാരിച്ച് അടിയന്തിര നടപടി എടുക്കണം എന്ന് കിഫ ആവശ്യപ്പെടുകയും ചെയ്തു.