കൊല്ലo : അച്ഛൻ മരിച്ചതിന്‍റെ മനോവിഷമത്തിൽ മകൻ ആത്മഹത്യ ചെയ്തു. മുണ്ടയ്ക്കൽ വെസ്റ്റ് കുമാർ ഭവനത്തിൽ കെ.നെല്ലൈകുമാർ (70) മരിച്ചതിന്‍റെ വിഷമത്തിൽ മകൻ എൻ.വിനു കുമാർ (36) ആണ് ജീവനൊടുക്കിയത്. സ്വകാര്യ ആശുപത്രിയിൽ ചികിത്സയിലിരിക്കെ ഞായറാഴ്ച രാവിലെയാണ് അച്ഛൻ മരിച്ചത്. അച്ഛൻ മരിച്ചതറിഞ്ഞ് വീട്ടിലേക്കുപോയ വിനു കുമാറിനെ ഒരുമണിക്കൂറിനുശേഷം വീട്ടിൽ തൂങ്ങിമരിച്ചനിലയിൽ കണ്ടെത്തുകയായിരുന്നു. സരോജ അമ്മാളാണ് നെല്ലൈകുമാറിന്‍റെ ഭാര്യ. വിനു കുമാറിന്‍റെ ഇരട്ടസഹോദരനായ എൽ.വിമൽ കുമാർ, എൻ.വിജയകുമാർ എന്നിവരാണ് മറ്റു മക്കൾ. കൊല്ലം കാർത്തിക ജ്വല്ലറി, വിഗ്നേഷ് ജ്വല്ലറി, കെ.വി.ജ്വല്ലറി എന്നിവയുടെ സ്ഥാപകനാണ് കെ.നെല്ലൈകുമാർ. അവിവാഹിതനാണ് വിനു കുമാർ. അച്ഛന്റെയും മകന്റെയും സംസ്കാരം ഇന്ന് നടക്കും.
