തൃശൂര് : റോഡിലെ കുഴിയില് വീണ് യുവാവിന് ദാരുണാന്ത്യം. തൃശൂര് തളിക്കുളം ദേശീയ പാതയിലാണ് അപകടം സംഭവിച്ചത്. പഴഞ്ഞി അരുവായ് സനു സി ജെയിംസ് (29) ആണ് മരിച്ചത്. ബൈക്കില് യാത്ര ചെയ്യുന്നതിനിടയില് കുഴിയില് വീഴുകയായിരുന്നു. സനു സി ജെയിംസിന്റെ തലയ്ക്കാണ് ഗുരുതരമായി പരിക്കേറ്റത്. പുലര്ച്ചെയാണ് അപകടം നടന്നത്.
അപകടത്തിന് പിന്നാലെ സ്ഥലത്ത് പ്രതിഷേധം ശക്തമായതിനെ തുടര്ന്ന് കുഴി അടച്ചു. സ്വകാര്യ മൊബൈല് കടയിലെ ജീവനക്കാരനായിരുന്നു സനു. ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു. ഈ സമയത്താണ് അപകടം സംഭവിച്ചത്. അപകട സമയത്ത് മഴ പെയ്യുന്നുണ്ടായിരുന്നു. ഈ ഭാഗത്ത് റോഡിലുള്ളത് വലിയ കുഴികളായിരുന്നു. മഴയത്ത് വെള്ളം നിറഞ്ഞ് കുഴികള് തിരിച്ചറിയാന് സാധിക്കാത്ത നിലയിലായിരുന്നു
