തിരുവല്ലം : തിരുവല്ലത്ത് പോലീസ് കസ്റ്റഡിയില് എടുത്ത പ്രതി നെഞ്ചുവേദനയെ തുടര്ന്ന് മരിച്ചു. ഇന്നലെ വൈകീട്ട് തിരുവല്ലം ജഡ്ജി കുന്നിലെത്തിയ കുടുംബത്തെ ആക്രമിച്ച സംഭവത്തിലാണ് 4 യുവാക്കളെ തിരുവല്ലം പോലീസ് കസ്റ്റഡിയില് എടുത്തത്. ഇവര് ലഹരിമരുന്ന് ഉപയോഗിച്ച ശേഷം അമിതമായി മദ്യപിച്ചിരുന്നു. ഈ സമയം ജഡ്ജികുന്നിലെത്തിയ ഒരു കുടുംബത്തിനെ ഇവര് തടഞ്ഞു വെയ്ക്കുകയും ആക്രമിക്കുകയും ഒരു പെണ്കുട്ടിയുടെ ആഭരണങ്ങള് കവരാന് ശ്രമിക്കുകയും ചെയ്തു. വിവരമറിഞ്ഞെത്തിയ പോലീസ് ഇവരെ കസ്റ്റഡിയിലെടുക്കുകയായിരുന്നു. ഇന്ന് രാവിലെയോടെ ഇതിലൊരാള്ക്ക് നെഞ്ചുവേദന അനുഭവപ്പെടുകയായിരുന്നു. ഇയാളെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഹൃദയാഘാതമാകാം മരണകാരണം എന്നു ഡോക്ടര്മാര് പറയുന്നത്.
