കൊടുങ്ങല്ലൂര് : ശ്രീനാരായണപുരം അഞ്ചാം പരത്തിയില് ടെമ്പോ ട്രാവലര് ബൈക്കിലിടിച്ച് ഉണ്ടായ അപകടത്തില് ഗുരുതരമായി പരിക്കേറ്റ രണ്ടാമത്തെയാളും മരിച്ചു. ബൈക്ക് യാത്രികരില് ഒരാളായ പുതിയകാവ് പഴുന്തറയില് വാടകക്ക് താമസിക്കുന്ന പി.വെമ്പല്ലൂര് സ്വദേശി തേപറമ്പില് പരേതനായ സെയ്തുവിന്റെ മകന് അഷറഫ് എന്ന മുഹമ്മദ് ഷെരീഫ് (54) ആണ് മരിച്ചത്.
തൃശൂര് മെഡിക്കല് കോളേജില് ചികിത്സയിരിക്കെയായിരുന്നു മരണം. കഴിഞ്ഞ 23ന് രാത്രി ഒമ്പത് മണിയോടെയായിരുന്നു അപകടം. ബൈക്കിലുണ്ടായിരുന്ന പെരിഞ്ഞനം സ്വദേശി പീച്ചാംപുള്ളി ജ്യോതിബസു (59) അപകടം നടന്നയുടന് മരിച്ചിരുന്നു. ഇടിച്ചിട്ട ടെമ്പോ ട്രാവലര് നിര്ത്താതെ പോയി. രണ്ട് മരണത്തിന് ഉത്തരവാദിയായ ഈ ടെമ്പോ ട്രാവലര് കണ്ടെത്താനായിട്ടില്ല.
