അടിമാലി: കരടിപ്പാറയില് പാറക്കെട്ടില് നിന്ന് കാല്വഴുതി വീണ് യുവാവ് മരിച്ചു.
കോതമംഗലം ചേലാട് സ്വദേശി ഷിബിന് ആണ് മരണപ്പെട്ടത്. അപകടം നടന്ന ഉടനെ അടിമാലിയിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. വെള്ളത്തൂവല് പോലീസ് തുടര് നടപടി സ്വീകരിച്ചു.17 പേരടങ്ങുന്ന സംഘം ഇന്നലെയായിരുന്നു മൂന്നാറില് വിനോദസഞ്ചാരത്തിനെത്തിയത്. കരടിപ്പാറയിലെ ടെന്റ് ക്യാമ്പിലായിരുന്നു ഇന്നലെ രാത്രി താമസം. ഇന്ന് സമീപത്തെ പാറക്കെട്ടിലൂടെ നടക്കുമ്പോൾ അപകടം സംഭവിക്കുകയായിരുന്നുവെന്നാണ് പോലീസ് നല്കുന്ന വിവരം.
