കൊട്ടാരക്കര : തകരാറില്ലാത്ത റോഡില് ടാറിങ് ചെയ്ത അസി.എക്സി.എന്ജിനീയറടക്കം മൂന്നുപേര്ക്ക് സസ്പെന്ഷന്. കൊട്ടാരക്കര റോഡ് സെക്ഷന് അസി.എക്സിക്യൂട്ടിവ് എന്ജിനീയര് ഒ.ജലജ, അസി.എന്ജിനീയര് എസ്.ബിജു, ഓവര്സിയര് അര്ച്ചന പങ്കജ് എന്നിവരെയാണ് അന്വേഷണവിധേയമായി സസ്പെന്ഡ് ചെയ്തത്. തകരാറില്ലാത്ത റോഡില് റീടാറിങ് ചെയ്തതിനെ തുടര്ന്ന് ഇത് മണിക്കൂറുകള്ക്കകം തകരുകയും ചെയ്യുകയായിരുന്നു. കൊട്ടാരക്കര ഉമ്മന്നൂര് പഞ്ചായത്തിലെ പനവിള-പുലിക്കുഴിമുക്ക്-മലവിള റോഡാണ് റീടാറിങ് നടത്തിയത്.
എന്നാല് നിര്മാണം ഭൂരിഭാഗം പൂര്ത്തിയായതിന് ശേഷം റോഡ് തകര്ന്നു വീഴുകയായിരുന്നു. ഇപ്പോള് കൈകൊണ്ട് ഇളക്കിയെടുക്കാന് പറ്റുന്ന പരുവത്തിലായിട്ടുണ്ട്. സംഭവത്തെ കുറിച്ച് അന്വേഷിക്കാന് മന്ത്രി മുഹമ്മദ് റിയാസ് പൊതുമരാമത്ത് വിജിലന്സ് പ്രത്യേക സംഘത്തെ ഏര്പ്പെടുത്തുകയായിരുന്നു. അന്വേഷണത്തില് റോഡ് നിര്മാണത്തില് ക്രമക്കേട് നടന്നിട്ടുള്ളതായി കണ്ടെത്തുകയും പൊതുമരാമത്ത് വകുപ്പ് ഉദ്യോഗസ്ഥര്ക്ക് സസ്പെന്ഷന് ഉത്തരവിറക്കുകയുമായിരുന്നു.
