കോഴിക്കോട് : ബന്ധുവായ യുവതിയുടെ ദുരൂഹ മരണത്തിലെ സാക്ഷിയായ യുവതിയും മരിച്ചതില്‍ ദുരൂഹത. കോഴിക്കോട് പുതിയാപ്പയില്‍ ബന്ധുക്കളായ രണ്ട് സ്ത്രീകളുടെ മരണത്തിലാണ് ദുരൂഹത ആരോപിച്ച്‌ ബന്ധുക്കള്‍ രംഗത്തെത്തിയത്.
രണ്ടാഴ്ചപോലും തികയു മുമ്പാണ് രണ്ടുപേരെയും മരിച്ചനിലയില്‍ കണ്ടെത്തിയത്. പുതിയാപ്പ സ്വദേശി ശരണ്യയെയാണ് ആദ്യം പൊള്ളലേറ്റുമരിച്ച നിലയില്‍ കണ്ടെത്തിയത്. തുടര്‍ന്ന് ഒമ്പത് ദിവസമാകുമ്പോഴാണ് ബന്ധുകൂടിയായ ജാനകിയെ കിണറ്റില്‍ മരിച്ച നിലയില്‍ കണ്ടെത്തിയത്. അതേ സമയം ശരണ്യയെ ഭര്‍ത്താവ് ലിനീഷ് തീകൊളുത്തി കൊന്നതാണെന്നാണ് ബന്ധുക്കള്‍ പോലിസില്‍ നല്‍കിയ പരാതിയില്‍ പറയുന്നത്. ശരണ്യയുടെ മരണത്തിലെ ദൃക്സാക്ഷിയാണ് മരിച്ച ജാനകിയെന്ന് പോലിസ് പറയുന്നു. പരാതിയില്‍ വിശദ അന്വേഷണം വേണമെന്ന് ശരണ്യയുടെ ബന്ധുക്കളുടെ ആവശ്യം.
