റാന്നി : അടിച്ചിപ്പുഴ ആദിവാസി കോളനിയില് യുവാവിനെ തൂങ്ങി മരിച്ച നിലയില് കണ്ടെത്തി. അടിച്ചിപ്പുഴ സ്വദേശി വടക്കേതില് വീട്ടില് വിജയന്(43) ആണ് മരിച്ചത്. കോളനിയിലെ ആള്താമസമില്ലാത്ത വീട്ടില് രാവിലെ ഒമ്പതു മണിയോടെയാണ് മരിച്ച നിലയില് കണ്ടത്. ഭാര്യ ഉപേക്ഷിച്ചു പോയ വിജയന് സഹോദരി ശ്യാമളയ്ക്കും മാതാവ് സരോജനിക്കുമൊപ്പമാണ് താമസിച്ചിരുന്നത്. പരേതനായ ഗോപിയാണ് പിതാവ്. റാന്നി പോലീസ് സ്ഥലത്തെത്തി മേല്നടപടികള് സ്വീകരിച്ചു.
