മുനമ്പം : ജാമ്യത്തില് ഇറങ്ങി അതിജീവിതയെ ഭീഷണിപ്പെടുത്തിയ പ്രതിയുടെ ജാമ്യം റദ്ദാക്കി വീണ്ടും ജയിലിലടച്ചു. മുനമ്പത്ത് കഴിഞ്ഞ ഒക്ടോബറില് പ്രായപൂര്ത്തിയാകാത്ത പെണ്കുട്ടിയുടെ മുന്നില് നഗ്നത പ്രദര്ശിപ്പിക്കുകയും അശ്ലീലം പറയുകയും ചെയ്ത പോക്സോ കേസ് പ്രതി മുനമ്പം കാവാലംകുഴി വീട്ടില് ആന്റണി പീറ്ററാണ് ജാമ്യത്തില് ഇറങ്ങിയ ശേഷം അതേ പെണ്കുട്ടിയെ ഭീഷണിപ്പെടുത്തിയത്. ഇയാള്ക്കെതിരെ കേസ് രജിസ്റ്റര് ചെയ്ത് കോടതിയില് റിപ്പോര്ട്ട് നല്കി ജാമ്യം റദ്ദാക്കുകയായിരുന്നു. പ്രതിയെ റിമാന്ഡ് ചെയ്തു. എസ്.എച്ച്.ഒ എ.എല്. യേശുദാസിന്റെ നിര്ദേശപ്രകാരം എസ്.ഐ കെ. എസ്. ശ്യാംകുമാര്, രാജീവ്, എ.എസ്.ഐ രശ്മി, എസ്.സി.പി.ഒ അഭിലാഷ് എന്നിവരാണ് പ്രതിയെ അറസ്റ്റ് ചെയ്തത്.
