തിരുവനന്തപുരം : കായലില് മരിച്ച നിലയില് കണ്ടെത്തിയ യുവാവിന്റെ മരണം കൊലപാതകമാണെന്ന ആരോപണവുമായി മാതാപിതാക്കള്. ലഹരിമരുന്ന് സംഘമാണു കൊലപാതകത്തിനു പിന്നില്ലെന്ന് തെളിവുണ്ടായിട്ടും പോലീസ് കേസ് അന്വേഷിക്കുന്നില്ലെന്നാണ് മാതാപിതാക്കളുടെ ആരോപണം. നേമം പള്ളിച്ചല് സ്വദേശി ആദര്ശ് എന്ന ജിത്തുവിനെ (20) കഴിഞ്ഞ 25നാണ് മരിച്ച നിലയില് കണ്ടെത്തിയത്. അഞ്ചുദിവസം മുമ്പ് സുഹൃത്തിന്റെ വീട്ടിലേക്ക് പോയ ആദര്ശിന്റെ ജീര്ണിച്ച മൃതദേഹമാണ് പിന്നെ വീട്ടുകാര് കാണുന്നത്.
ആത്മഹത്യയെന്ന പോലീസ് നിഗമനം ബന്ധുക്കള് തള്ളി. ജിത്തുവിനെ അപായപ്പെടുത്തിയതാണെന്ന സംശയം ജനിപ്പിക്കുന്ന സുഹൃത്തുക്കള് തമ്മിലുള്ള ഫോണ് സംഭാഷണം പുറത്തുവന്നിരുന്നു. മൃതദേഹം കണ്ടെത്തിയിട്ട് ഒന്പത് ദിവസമായിട്ടും ഒരാളെ പോലും പോലീസ് ചോദ്യം ചെയ്തില്ലെന്നു പിതാവ് ജയന് പറഞ്ഞു. കേസില് ദുരൂഹതയില്ലെന്ന് നിലപാട് ആവര്ത്തിക്കുകയാണ് നേമം പോലീസ്.
