അടിമാലി : ബൈക്ക് കാളവണ്ടിയുടെ പിറകില് ഇടിച്ച് രണ്ട് യുവാക്കള് മരിച്ചു. രാജകുമാരി കജനാപ്പാറ സ്വദേശി പ്രഭു മനോഹരന് (28), ബോഡി നായ്ക്കന്നൂര് ന്യൂ കോളനി സ്വദേശി പ്രദീപ് സെല്വം (27) എന്നിവരാണ് മരിച്ചത്. ബോഡി നായ്ക്കന്നൂര് മുന്തലിനു സമീപമാണ് അപകടം നടന്നത്. ഇവിടെ ഇറച്ചി കച്ചവടം ചെയ്യുന്നവരാണ് ഇരുവരും. പുലര്ച്ചെ ഒരു മണിയോടെയാണ് സംഭവം.
ബോഡി നായ്ക്കന്നൂര് – മൂന്നാര് റോഡിലൂടെ യാത്ര ചെയ്യുമ്പോള് വൈക്കോലുമായി പോവുകയായിരുന്ന കാളവണ്ടിയില് ഇടിക്കുകയായിരുന്നു. ഇടിയുടെ ആഘാതത്തില് റോഡിലേക്ക് തെറിച്ചു വീണ രണ്ടു പേരും തല്ക്ഷണം മരിച്ചു. തലയ്ക്കും ശരീരത്തിനും ഗുരുതരമായി പരിക്കേറ്റ് യുവാക്കള് വഴിയില് മരിച്ച് കിടക്കുന്ന വിവരം അതുവഴി വന്ന മറ്റ് യാത്രക്കാരാണ് പോലീസില് അറിയിച്ചത്. പോലീസ് സ്ഥലത്തെത്തി മേല് നടപടികള് സ്വീകരിച്ചു.
