മുണ്ടക്കയം: പ്രായപൂര്ത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് പോലീസ് പിടിയിൽ. മുണ്ടക്കയം വെള്ളനടി ഭാഗത്ത് പാറയിൽപുരയിടം അഭിമോനെ(25)യാണ് അറസ്റ്റ് ചെയ്തത്. മുണ്ടക്കയം പോലീസ് ആണ് അറസ്റ്റ് ചെയ്തത്. കഴിഞ്ഞ ദിവസം ആണ് കേസിനാസ്പദമായ സംഭവം. ഇയാൾ പകൽ വീട്ടിൽ അതിക്രമിച്ചു കയറി പെൺകുട്ടിയെ ബലപ്രയോഗത്തിലൂടെ ലൈംഗിക അതിക്രമത്തിന് വിധേയമാക്കുകയുമായിരുന്നെന്നാണ് പരാതിയിൽ പറയുന്നത്.
തുടർന്ന്, ഇയാൾ സംഭവസ്ഥലത്തു നിന്നു കടന്നുകളഞ്ഞെങ്കിലും പെൺകുട്ടിയുടെ പരാതിയുടെ അടിസ്ഥാനത്തിൽ മുണ്ടക്കയം പോലീസ് ഇയാളെ അറസ്റ്റ് ചെയ്യുകയായിരുന്നു. മുണ്ടക്കയം പോലീസ് സ്റ്റേഷൻ ഇന്സ്പെക്ടര് എ. ഷൈന്കുമാര്, സബ് ഇൻസ്പെക്ടർ പി.എസ്. അനിഷ്, എസ്സിപിഒമാരായ രഞ്ജിത് എസ്. നായർ, ജോഷി എം. തോമസ്, വി.ജെ. ബിജി, എം.എസ്. നൂറുദീൻ എന്നിവര് ഉള്പ്പെട്ട സംഘമാണ് യുവാവിനെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
