കോന്നി : എസ്.എൻ.ഡി.പി യോഗം യൂത്ത് മൂവ്മെന്റ് പത്തനംതിട്ട യൂണിയന്റെ നേതൃത്വത്തിൽ ലഹരിയെ ചെറുക്കാൻ മൈതാനങ്ങളിലേക്ക് എന്ന സന്ദേശവുമായി കിഴക്കുപുറം എസ്.എൻ.ഡി.പി യോഗം ആർട്സ് ആൻഡ് സയൻസ് കോളേജ് ഗ്രൗണ്ടിൽ നടന്ന യൂത്ത് ബാറ്റിൽ ക്രിക്കറ്റ് ടൂർണമെന്റിൽ കെ യു ജനീഷ് കുമാർ എംഎൽഎ, ജില്ലാ കളക്ടർ എസ് പ്രേംകൃഷ്ണൻ എന്നിവർ നയിച്ച ടീമുകൾ തമ്മിൽ സൗഹൃദം മത്സരത്തിൽ ജില്ലാ കളക്ടറുടെ ടീം വിജയിച്ചു. ടൂർണമെന്റിന്റെ ഫൈനൽ മത്സരത്തിൽ മലയാലപ്പുഴ ടീം ഒന്നാം സമ്മാനവും ചെങ്ങറ ടീം രണ്ടാം സമ്മാനം നേടി.
വിജയികൾക്ക് കെ യു ജനീഷ് കുമാർ എംഎൽഎ, ജില്ലാ കളക്ടർ എസ് പ്രേംകൃഷ്ണൻ എന്നിവർ ട്രോഫികൾ വിതരണം ചെയ്തു. എസ്എൻഡിപി യോഗം പത്തനംതിട്ട യൂണിയൻ പ്രസിഡന്റ് കെ.പത്മകുമാർ, യോഗം അസിസ്റ്റന്റ് സെക്രട്ടറി ടി പി സുന്ദരേശൻ, മൈക്രോ ഫൈനാൻസ് യൂണിയൻ കോ ഓർഡിനേറ്റർ കെ ആർ സലീലനാഥ്, യൂത്ത് മൂവ്മെന്റ് യൂണിയൻ ചെയർമാൻ ഗോകുൽ കൃഷ്ണൻ, കൺവീനർ ആനന്ദ് പി.രാജ്, വൈസ് ചെയർമാൻ സൂരജ് ടി പ്രകാശ്, ജോയിന്റ് സെക്രട്ടറി അരുൺ.എസ്, വനിതാസംഘം യൂണിയൻ പ്രസിഡന്റ് ഷീലാരവി എന്നിവർ പങ്കെടുത്തു.
