പാലക്കാട്; പാലക്കാട് യൂത്ത് കോണ്‍ഗ്രസില്‍ ഷാഫി പറമ്പിലിനെതിരെ പടയൊരുക്കം. സംസ്ഥാന അധ്യക്ഷന്‍ ഷാഫി പറമ്പിലിനെതിരേ യൂത്ത് കോണ്‍ഗ്രസ് ജില്ലാ സമ്മേളനത്തിലാണ് പടയൊരുക്കം നടക്കുന്നത. ഷാഫി പറമ്പിലിന്റെ ഗ്രൂപ്പ് മാറ്റത്തിന്റെ ഭാഗമായി ഏകപക്ഷീയമായി തീരുമാനമെടുക്കുന്നുവെന്നാണ് ആക്ഷേപം. എ ഗ്രൂപ്പ് വിട്ട് കെസി വേണുഗോപാല്‍ പക്ഷത്തേക്കുള്ള ഷാഫി പറമ്പിലിന്റെ ഗ്രൂപ്പ് മാറ്റ പ്രഖ്യാപനമായിരുന്നു യൂത്ത് കോണ്‍ഗ്രസ് പാലക്കാട് ജില്ലാ സമ്മേളനം. എ ഗ്രൂപ്പുകാരനായിരുന്ന ഷാഫിയുടെ സ്വന്തം ജില്ലയില്‍ സമ്മേളനം നടക്കുമ്പോള്‍ ബോര്‍ഡുകളില്‍പ്പോലും ഉമ്മന്‍ചാണ്ടിയുടെ ഫോട്ടോ പോലും ഒഴിവാക്കി.
കെ സി വേണുഗോപാല്‍ ജില്ലയിലെത്തുന്നതിന് തൊട്ടു മുമ്പ് കെപിസിസി സെക്രട്ടറി സി ചന്ദ്രന്റെ വീട്ടില്‍ ഗ്രൂപ്പ് യോഗം ചേര്‍ന്നിരുന്നു. എ ഗ്രൂപ്പിലെ ഷാഫിയ്ക്കൊപ്പം നില്‍ക്കുന്ന ആളുകളാണ് യോഗത്തില്‍ പങ്കെടുത്തത്. യൂത്ത് കോണ്‍ഗ്രസിലെ 24 ജില്ലാ ഭാരവാഹികളെ നേരത്തെ പുറത്താക്കിയിരുന്നു. ഷാഫി വിരുദ്ധരെ സംഘടനയില്‍ നിന്ന് പുറത്താക്കുന്നതിന്റെ ഭാഗമായാണ് നേതാക്കള്‍ക്കെതിരെയുള്ള നടപടി.
