പത്തനംതിട്ട : തിരുവല്ലയിൽ നിന്ന് കാണാതായ റീനയെയും രണ്ട് പെൺമക്കളെയും കാണാതായിട്ട് രണ്ടാഴ്ച കഴിഞ്ഞിട്ടും കണ്ടെത്താൻ കഴിയാത്ത പോലീസ് സംവിധാനത്തിലെ ഗുരുതര വീഴ്ച്ചക്കെതിരെ യൂത്ത് കോൺഗ്രസ് തിരുവല്ല നിയോജകമണ്ഡലം കമ്മിറ്റിയുടെ നേതൃത്വത്തിൽ നഗരത്തിൽ പ്രതിഷേധ പ്രകടനവും യോഗവും നടത്തി. കോൺഗ്രസ് തിരുവല്ല ബ്ലോക്ക് പ്രസിഡന്റ് ഈപ്പൻ കുര്യൻ പ്രതിഷേധ യോഗം ഉദ്ഘാടനം ചെയ്തു. കുട്ടികൾ അടക്കമുള്ള കുടുംബത്തെ കണ്ടെത്താൻ കഴിയാത്ത പരാജയപ്പെട്ട ആഭ്യന്തരവകുപ്പും സ്ഥലം എം.എൽ.എയും മറുപടി പറയണമെന്ന് ഈപ്പൻ കുര്യൻ ആവശ്യപ്പെട്ടു. നിയോജകമണ്ഡലം പ്രസിഡന്റ് അഭിലാഷ് വെട്ടിക്കാടൻ അധ്യക്ഷത വഹിച്ചു.
യൂത്ത് കോൺഗ്രസ് പത്തനംതിട്ട ജില്ലാ വൈസ് പ്രസിഡന്റ് മുഹമ്മദ് സലീൽ സാലി മുഖ്യപ്രഭാഷണം നടത്തി. ജില്ലാ ജനറൽ സെക്രട്ടറി ദീപു തെക്കുമുറി, തിരുവല്ല ബ്ലോക്ക് കോൺഗ്രസ് ജനറൽ സെക്രട്ടറി ജേക്കബ് വർഗീസ്, സേവാദൾ സംസ്ഥാന സെക്രട്ടറി കൊച്ചുമോൾ പ്രദീപ്, അസംബ്ലി ജനറൽ സെക്രട്ടറി അജുമൽ തിരുവല്ല, യൂത്ത് കോൺഗ്രസ് കവിയൂർ മണ്ഡലം പ്രസിഡന്റ് ജെയ്സൺ കവിയൂർ, ടൗൺ മണ്ഡലം പ്രസിഡൻ്റ് ജെയ്സൺ പടിയറ, രംഗനാദൻ അയിയിടത്ത് ചിറ, ജോഫിൻ ജേക്കബ്, ഹെൻറി മാത്യു, വർക്കി കോശി, ബിപിൻ പി തോമസ്, സഞ്ജു മഞ്ഞാടി എന്നിവർ പ്രസംഗിച്ചു.
