റാന്നി : യൂത്ത് കോൺഗ്രസ് റാന്നി പഴവങ്ങാടി മണ്ഡലത്തിലെ മോതിരവയൽ രാജീവ് ഗാന്ധി യൂണിറ്റ് കൺവൻഷനും മെമ്പർഷിപ്പ് വിതരണവും നടന്നു. പ്രഭുരാജിന്റെ അദ്ധ്യക്ഷതയിൽ ചേർന്ന യോഗം യൂത്ത് കോൺഗ്രസ് റാന്നി നിയോജകമണ്ഡലം പ്രസിഡന്റ് അഡ്വ.സാംജി ഇടമുറി ഉദ്ഘാടനം ചെയ്തു. മുൻ നിയോജകമണ്ഡലം പ്രസിഡന്റ് അഡ്വ.സിബി താഴത്തില്ലത്ത്, പഴവങ്ങാടി പഞ്ചായത്ത് പ്രസിഡന്റ് അനിത അനിൽകുമാർ, നിയോജകമണ്ഡലം ജനറൽ സെക്രട്ടറിമാരായ ഷിബു തോണിക്കടവിൽ, ഉദയൻ സി എം, ഷാൻ മുഹമ്മദ്, റെനു പുതുശ്ശേരിൽ, അശ്വതി എന്നിവർ പ്രസംഗിച്ചു.
കോൺഗ്രസ് പഴവങ്ങാടി മണ്ഡലം വൈസ് പ്രസിഡന്റ് അനിൽകുമാർ പി വി , മോതിരവയൽ ബൂത്ത് പ്രസിഡന്റ് ജോളി ജോസഫ്, റെജി പുതുശ്ശേരിൽ എന്നിവർ സന്നിഹിതരായിരുന്നു. വിഷ്ണു വിജയനെ യൂണിറ്റ് പ്രസിഡന്റായി യോഗം തെരഞ്ഞെടുത്തു നിയോജകമണ്ഡലം പ്രസിഡന്റ് അഡ്വ.സാംജി ഇടമുറി പതാക കൈമാറി. പെരുമ്പാവൂർ ജയഭാരത് കോളേജിലെ ലേഡി റെപ്പ് ആയി കെഎസ്യു പാനലിൽ നിന്ന് തെരഞ്ഞെടുക്കപ്പെട്ട യൂണിറ്റ് അംഗം അശ്വതി കൃഷ്ണനെ പഴവങ്ങാടി പഞ്ചായത്ത് പ്രസിഡന്റ് അനിത അനിൽകുമാർ ആദരിച്ചു. പുതിയതായി യൂത്ത് കോൺഗ്രസിലേക്ക് കടന്ന് വന്നവർക്ക് മുൻ നിയോജകമണ്ഡലം പ്രസിഡന്റ് അഡ്വ.സിബി താഴത്തില്ലത്ത് മെമ്പർഷിപ്പ് വിതരണം ചെയ്തു.