പത്തനംതിട്ട : കായിക താരങ്ങള്ക്കായുള്ള രാജ്യത്തെ പരമോന്നത ബഹുമതിയായ രാജീവ് ഗാന്ധി ഖേല് രത്നാ പുരസ്കാരത്തിന്റെ പേര് മാറ്റിയ നരേന്ദ്ര മോദി സര്ക്കാരിന്റെ തീരുമാനം പ്രതിഷേധാര്ഹമെന്ന് യൂത്ത് കോണ്ഗ്രസ് സംസ്ഥാന നിര്വ്വാഹക സമിതി അംഗം നഹാസ് പത്തനംതിട്ട പറഞ്ഞു. വലംഞ്ചുഴിയില് യൂത്ത് കോണ്ഗ്രസ് കമ്മിറ്റി സംഘടിപ്പിച്ച സ്ഥാപക ദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം.
ഹോക്കി മാന്ത്രികന് ധ്യാന് ചന്ദ് ആദരിക്കപ്പെടേണ്ട വ്യക്തിത്വമാണ്. എന്നാല് അത് രാജ്യത്തിനായി ജീവന് ബലിയര്പ്പിച്ച മുന് പ്രധാനമന്ത്രി രാജീവ് ഗാന്ധിയെ അപമാനിച്ചു കൊണ്ടാവരുത്. ബി.ജെ.പി നേതാക്കളുടെ അസഹിഷ്ണുതയാണ് ഈ തീരുമാനത്തിലൂടെ പ്രതിഫലിക്കുന്നതെന്ന് അദ്ദേഹം പറഞ്ഞു. അബ്ദുള് ഹൈ, യൂസഫ് തരകന്റയ്യത്ത്, ഷാജി സുറൂര്, ഷിഹാബ് വലംഞ്ചുഴി, അജ്മല് ഷാ, അജ്മല്, യാസിന്, അല്ഷിദ്, അല്ത്താഫ് ഹനീഫ, പി വി അഹമ്മദ് എന്നിവര് പരിപാടികള്ക്ക് നേതൃത്വം നല്കി.
