വർക്കല : പാപനാശം ആലിയിറക്കം ബീച്ചിൽ കുളിക്കാനിറങ്ങി തിരയിൽപ്പെട്ട് കാണാതായ യുവാവിന്റെ മൃതദേഹം കോസ്റ്റൽ പോലീസിന്റെ തിരച്ചിലിൽ കണ്ടെത്തി. അടൂർ ഏഴംകുളം നെടുമൺകല്ലേത്ത് പുതിയവീട്ടിൽ കെ ഗോപാല കൃഷ്ണപിള്ളയുടെയും സുജാതയുടെയും മകൻ ജിഎസ് ശ്രീജിത്ത് (29) ആണ് മരിച്ചത്. ഞായറാഴ്ച വൈകുന്നേരം അഞ്ചിന് സുഹൃത്ത് കൊട്ടാരക്കര പട്ടാഴി സ്വദേശി ശ്യാം മോഹനൊപ്പം കടലിൽ കുളിക്കവേ പെട്ടെന്നുണ്ടായ ശക്തമായ തിരയിൽപ്പെട്ട് ശ്രീജിത്തിനെ കാണാതാവുകയായിരുന്നു. ഇരുവരും ഭാര്യമാർക്കൊപ്പം ശനിയാഴ്ചയാണ് വർക്കലയിലെത്തിയത്. ശ്രീജിത്തിന്റെ ഭാര്യ ശ്രീലക്ഷ്മി, ശ്യാം മോഹന്റെ ഭാര്യ ദർശന എന്നിവരെ റിസോർട്ടിലെ മുറിയിൽ വിശ്രമിക്കുകയായിരുന്നു. സംഭവ ദിവസം പോലീസും ഫയർ ഫോഴ്‌സും സ്ഥലത്ത് തിരച്ചിൽ നടത്തിയെങ്കിലും ശ്രീജിത്തിനെ കണ്ടെത്താനായില്ല. തിങ്കൾ രാവിലെ 8.30 ഓടെ ഏണിക്കൽ ബീച്ചിൽ സമാന്തരമായി ഒരു കിലോമീറ്ററോളം ഉള്ളിൽ നിന്നാണ് കോസ്റ്റൽ പോലീസ് മൃതദേഹം കണ്ടെത്തിയത്. മൃതദേഹം പാരിപ്പള്ളി മെഡിക്കൽ കോളെജിൽ പോസ്റ്റ്മോർട്ടം നടത്തിയ ശേഷം ബന്ധുക്കൾക്ക് വിട്ട് കൊടുത്തു. വർക്കല പോലീസ് തുടർ നടപടികൾ സ്വീകരിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
