പത്തനാപുരം : വീടുകയറി സ്ത്രീകളെയടക്കം മര്ദിച്ച കേസില് നാലുപേരെ പത്തനാപുരം പോലീസ് പിടികൂടി. മാങ്കോട് വാഴപ്പാറ രാധിക ഭവനില് രാജേന്ദ്രന്(55), ഒരിപ്രം കോളനിയില് ഷെമീന മന്സില് ഷെമീര് (40), അഖില് ഭവനത്തില് അഖില് (28), ബാബുവിലാസത്തില് അജിത് (30) എന്നിവരാണ് പിടിയിലായത്. കഞ്ചാവിന്റെ ലഹരിയിലായിരന്നു പ്രതികള്.
പ്രതികള് സ്കൂള് കോളേജ് വിദ്യാര്ത്ഥികള്ക്ക് കഞ്ചാവ് വില്പന നടത്തിവരുന്നവരാണെന്നും ഷെമീര് അടിപിടി, വ്യാജമദ്യം എന്നിവ വില്പന നടത്തിയ കേസുകളില് നേരത്തെയും പിടിയിലായിട്ടുണ്ടന്നും പത്തനാപുരം സിഐ എന്.സുരേഷ് കുമാര് പറഞ്ഞു. എസ്ഐമാരായ രാകേഷ്, വിനോദ്, മധുസൂദനന്, സിപിഒമാരായ സായ്കുമാര്, സന്തോഷ് കുമാര്, രഞ്ജിത്ത്, മനേഷ്, നിക്സണ്, റിയാസ് എന്നിവരടങ്ങുന്ന സംഘമാണ് പ്രതികളെ പിടികൂടിയത്. പ്രതികളെ റിമാന്റ് ചെയ്തു.
