കോന്നിയില്‍ തെരുവ് നായയുടെ ആക്രമണത്തിൽ രണ്ടുപേര്‍ക്ക് പരുക്കേറ്റു

കോന്നി : എലിമുള്ളുംപ്ലാക്കൽ, ഞള്ളൂർ എന്നിവിടങ്ങളിൽ തെരുവ് നായയുടെ ആക്രമണത്തിൽ രണ്ട് പേർക്ക് പരുക്കേറ്റു. എലിമുള്ളുംപ്ലാക്കൽ പുത്തൻപറമ്പിൽ സുഭാഷിന്റെ മകൻ അഭിദേവ് (5), ഞള്ളൂർ പ്രമീള ഭവൻ ശിവരാജൻ (65) എന്നിവർക്കാണ് പരുക്കേറ്റത്. ശിവരാജന്റെ കൈക്കും അഭിദേവിന്റെ മുഖത്തും കൈക്കും പരുക്കേറ്റിട്ടുണ്ട്. പരുക്കേറ്റവരെ പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു. അക്രമകാരിയായ നായയെ നാട്ടുകാർ തല്ലിക്കൊന്നു.