റാന്നി: പെരുനാട്ടിൽ ഗൃഹനാഥൻ ആത്മഹത്യ ചെയ്ത സംഭവത്തിൽ കുറ്റാരോപിതനായ പെരുനാട് ഗ്രാമപഞ്ചായത്ത് പ്രസിഡന്റ് പി എസ് മോഹനൻ രാജി വെക്കണം എന്ന് ആവശ്യപ്പെട്ട് യുവമോർച്ച പെരുനാട് പഞ്ചായത്ത് ഓഫീസിനു മുൻപിൽ പ്രതിഷേധ ധർണ്ണ സംഘടിപ്പിച്ചു. യുവമോർച്ച റാന്നി മണ്ഡലം പ്രസിഡന്റ് എം.എസ് പ്രജീഷ് അധ്യക്ഷതയിൽ കൂടിയ യോഗം ബിജെപി റാന്നി മണ്ഡലം ജനറൽ സെക്രട്ടറി ബിനു സി മാത്യു ഉദ്ഘാടനം ചെയ്തു. ബിജെപി പെരുനാട് കമ്മിറ്റി പ്രസിഡന്റ് സോമസുന്ദരൻ പിള്ള , അരുൺ അനിരുദ്ധൻ , അനീഷ് പി. നായർ , സാനു മാമ്പാറ , ജിജു ശ്രീധർ , മുകേഷ് കുമാർ എന്നിവർ പ്രസംഗിച്ചു.
